Amu cu sugnu
sulu quannu sugnu cu tia.
Comu nsettu ntrappulatu ni l’ambra
è lu me amuri nnintra a chiddu to;
è ustinatu, nsistenti
nta l’attruzzari cuntinuamenti
li to’ capricciusi labbra
fatti di celu e di biddizza;
è ravagghiusu lu me amuri ed è ribellu,
pirchì zoccu non apparteni a tia
lu discaccia e di la razia ca t’adorna
rimanna arreri li tinti ùmmiri di lu distinu.
Ju t’amu, tu m’ami!
Eccu lu sulu privilegiu di l’amuri:
spalisarisi; nent’àutru,
né prufumu di jersuminu né
càudi stizzi di piccanti suduri né
frischi lacrimi di cummozioni.
Amu cu sugnu
sulu quannu sugnu cu tia.
Comu saitta ca firisci scorcia d’àrvuru
è lu me amuri nnintra a chiddu to;
rèsina e balsamu: una
è l’accullurata ambra,
l’àutru l’ammagaratu nsettu.
(Alessio Patti – Catania, 15 settembre 2020)
Amo chi sono solo quando sono con te
Amo chi sono
solo quando sono con te.
Come insetto intrappolato nell’ambra
è il mio amore nel tuo;
è pervicace, insistente
nel rasentare continuamente
le squisite tue labbra
fatte di cielo e di bellezza;
è gagliardo il mio amore ed è indomito,
perché ciò che non è come te
lo ricusa e dalla grazia che ti adorna
respinge le ostili ombre del destino.
Io t’amo, tu m’ami!
Ecco il solo privilegio dell’amore:
manifestarsi, null’altro; né
profumo di gelsomino né
calde gocce di piccante sudore né
fresche lacrime di commozione.
Amo chi sono
solo quando sono con te.
Come saetta che trafigge corteccia d’albero
è il mio amore nel tuo;
resina e balsamo: una
è la colorata ambra,
l’altro l’ammaliato insetto.
(Alessio Patti – Catania, 15 settembre 2020)