Romeu e Giulietta
Trasposizione in lingua siciliana di Alessio Patti
“Romeu e Giulietta”
ROMEU: Siddu criditi ca ju scunsacri cu la me manu non digna sta sacra riliquia – piccatu di tutti li divoti -, li me’ labbra chini di russuri, comu a du’ affruntusi pilligrini, sunnu pronti a rènniri chiù duci lu toccu cu ’n tènniru vasuni.
GIULIETTA: Saggiu pilligrinu, vui faciti ’n gravi tortu a la vostra manu, ca non fici àutru ca mustrari bona divuzioni. Puru li santi hannu li manu, e li manu di li pilligrini li ponnu attruzzari; palmu a palmu, eccu lu sacru vasuni di li palmeri.
ROMEU: Ma li santi e li palmeri non hannu iddi labbra?
GIULIETTA: Sì, pilligrinu, ma chiddi sunnu labbra ca servunu pi la prijera.
ROMEU: Allura, santuzza, lassa ca li to’ labbra fannu zoccu fannu li to’ manu; iddi prejanu, tu dacci ascutu, in modu ca la fidi non si stracanci in dispirazioni.
GIULIETTA: Li santi non si movunu, ma accordunu chiddi ca li prejanu.
ROMEU: Allura non ti moviri, addamentri ca ju cogghiu lu fruttu di la me prijera. (la bacia) Eccu, li to’ labbra purificaru chiddi me’ di lu piccatu.
GIULIETTA: Allura li me’ l’abbra portanu lu piccatu ca purificaru.
ROMEU: Lu piccatu di li me’ labbra? O culpa cu ducizza rimpruvirata! Tornimi, dunca, lu me piccatu! (la bacia ancora)
C’è mai stato amore più bello e poetico?
Luca Lisi e Simona Gualtieri (e tutta la squadra di amici attori e musicisti che li collaborano) vi aspettano per farvi emozionare fin nel profondo dell’anima.
Sale delle Arti – Comune di Gravina di Catania, 13 ottobre 2019 – ore 19:30 – Ingresso Gratuito!
