“To be, or not to be” dall’Amleto di William Shakespeare

“To be, or not to be” – dall’Amleto di William Shakespeare – Traslazione in lingua siciliana di Alessio Patti.

Mario Opinato

https://youtu.be/texqiwKywGc

MARIO OPINATO
declama il soliloquio di “Amletu” in lingua siciliana

Essiri o non Essiri,
chissa è la custioni: si è chiù nòbili ni l’anima
suppurtari li colpi di ciunna e
li saitti di la nciuriusa furtuna o
mpugnari l’armi contru a ’n mari d’affanni
e risistennuci darici fini?
Mòriri, dòrmiri – nent’àutru;
e cu ’n sonnu mèttiri fini a lu duluri di lu cori
e a li milli subbugghi naturali ca la carni ricivi;
chissa è na fini di disiddirari a manu junti.
Mòriri, dòrmiri.
Dòrmiri, forsi sunnari, sì, ddocu è lu mpidugghiu.
Pirchì nti ddu sonnu di morti,
lu pinzeru di li sonni ca ponnu vèniri,
allibbirtati ca semu di stu ntricu murtali,
n’havi a fari addimurari;
eccu lu scrùpulu ca renni la svintura accussì longa.
Masannunca cu’ vulissi suppurtari li zuttiati e
l’abbuffuniati di lu tempu, lu tortu di lu tirannu,
la nciùria di l’omu superbu,
li spàsimi di l’amuri disprizzatu, l’addimurari di la liggi,
la nsullenza di li carichi ufficiali, e
lu disprezzu ca lu mèritu pacinziusu
ricivi di li vastasi, quannu
si putissi iddu stissu dari abbentu
cu na punta di ’n pugnali?
Cu’, stancu, vulissi purtari trùsci,
jittannu jastimi e sudannu, sutta a lu pisu di na vita,
si non fussi pi lu tirruri di qualchi cosa
doppu la morti, lu paisi scanusciutu
d’unni nuddu viaggiaturi fa ritornu,
a frinari la nostra vuluntà e, vulinteri,
a farini suppurtari ddi mali ca già avemu
chiuttostu ca ricùrriri ad àutri ca scanuscemu?
Accussì la cuscienza ni renni tutti vili,
e accussì lu culuri naturali di lu curaggiu
è rìnnutu fraccu di la pàllida ciamma di lu pinzeru,
e li mprisi di granni àutizza e mumentu
pi sta ragiuni tràvianu di lu so cursu
e pèrdunu p’ansina lu nomu di azioni.
Ma, calmati ora, la bedda Ofelia.

Ninfa, nta li to’ orazioni
sunnu arricurdati tutti li me’ piccati.

https://youtu.be/texqiwKywGc

Promo “Amletu”
Copertina “Amletu”

https://www.boopen.it/amletu-libro-alessio-patti/23642

Alessio Patti – Autore della traslazione di “Amleto” in lingua siciliana
Presentazione dell’Amletu di Alessio Patti

Dove acquistare il libro? Clicca qui sotto!
https://www.boopen.it/amletu-libro-alessio-patti/23642

Leave a Comment

Il tuo indirizzo email non sarà pubblicato. I campi obbligatori sono contrassegnati *