Cu’ si’? (a na certa età li miti arritornanu)

Cu’ si’?
(a na certa età li miti arritornanu)

Cu’ si’?
(a na certa età li miti arritornanu)

‘N Tràntulu m’attraversa l’anima…
Cu’ si’ tu ca fuji e sfuji attagghiu a mia
senza mai farisi catturari?
Di quali agnuni di lu me pinzeru
nesci fora,
oh arcanu mitu ca ti fai strata
finu a mia?
Cu’ sì tu nicuzza e spirlucenti criatura
di li stralucenti ali acculurati di celu,
tinnirizza ca non si po’ cuntari?
Si’ tu na dia?
Di la ciamma si’ lu stralucenti?
O puru si’ ‘n farfalicchiu?
Na fuddedda munachedda?
Cu’ si’, o Vèniri, china di biddizza,
ca di disìu m’allinchi
e ca lu cori mi fai amariari?
Veni tra li me’ linzola, parrimi d’amuri
e non mi fari chiù abbiliari!
Non lu vidi ca sugnu vecchiu,
non chiù amabili,
non chiù magnànimo ni l’animu?
E cu puru ca non vogghiu,
avvampu e spinnu ancora
comu fussi Apollu.
Si vinisti a purtarimi “Amuri”,
amami, o Vèniri, e fallu subitu,
ma si mi privi di cunsolazioni,
scumpari e non mi sdilliggiari.

(Alessio Patti – Catania, 28/01/2020)

Chi sei?
(ad una certa età i miti ritornano)

Un tremito m’oltrepassa l’anima…
Chi sei tu che fuggi e rifuggi a lato a me
senza mai farsi catturare?
Da che riva del mio pensiero
vieni fuori,
oh arcano mito che ti fai varco
fino a me?
Chi sei minuscola e scintillante creatura
dalle luccicanti ali colorate di cielo,
tenerezza che non si può narrare?
Sei tu una dea?
Della fiamma sei il rilucente?
Oppure sei uno spiritello?
Un folletto monachella?
Chi sei, o Venere traboccante di bellezza,
che di desio mi colmi e
il cuore mi fai amareggiare?
Fermati nel mio giaciglio, parlami d’amore
e non mi fare più avvilire!
Non vedi che son vecchio,
non più amabile,
non più altero nell’animo?
E nonostante non voglia, brucio e
bramo come fossi Apollo.
Se sei venuta a portarmi “Amore”,
amami, o Venere, e fallo subito,
ma se mi privi di consolazione,
sparisci e non mi dileggiare!

(Alessio Patti – Catania, 28/01/2020)