Pirchì tuttu st’amuri?

Pirchì tuttu st’amuri?
S’avissi pruvatu chiù picca senzi pi idda,
n’avissi mpastatu accussì a funnu
lu me corpu nta chiddu so,
attravirsatu dd’ustinata ciacca
ca mi purtau drittu a lu so cori.

M’addumannu pirchì tuttu st’amuri?
Puru vulennu, arreri non pozzu chiù turnari,
né arriparari a la me scelta
e amarila chiù picca.

Non pozzu chiù mancu dari sullevu
a ddu disìu ca ju haiu di idda,
né custrìnciri lu me sangu
a non addivintari spina c’astruppìa li vini
quannu idda non c’è.

Pirchì tuttu st’amuri?
Pirchì non pozzu sdillavari stu sintimentu
rinnènnilu affilimmatu, disubbidennu
a la dilizia di li so’ carizzi?
Mi sentu comu a ‘n pupu di pezza!

Vulissi suttrarri piaciri e puru
prufunni suspiri a l’arcova
e, quannu stritti a lu còitu,
ammustrarimi ‘n jarzuni spràtticu,
ma nenti, non c’è nudda cosa ca ju pozzu fari.
Pirchì dunca tuttu st’amuri?

(Alessio Patti – Catania, 8/3/2022)

Perché tutto questo amore?

Perché tutto questo amore?
S’avessi provato meno sensi per lei,
non avrei intriso così a fondo
il mio corpo nel suo,
attraversato quel meato suggestivo
che mi ha portato dritto al suo cuore.

Mi domando perché tutto questo amore?
Pur volendo, indietro non posso più tornare,
né riparare alla mia scelta
e amarla di meno.

Non posso neanche più molcere il desio
che ho io di lei,
né costringere il mio sangue
a non diventare spina che ferisce le vene
quando lei non c’è.

Perché tutto questo amore?
Perché non posso diluire quest’ardore
rendendolo placido, contravvenendo
alla delizia delle sue carezze?
Mi sento incapace!

Vorrei sottrarre piacere e pure
forti sospiri al talamo,
e, quando stretti dal coito,
mostrarmi uno scugnizzo alle prime armi,
ma nulla, non c’è alcunché che io possa fare.
Perché dunque tutto questo amore?

(Alessio Patti – Catania, 8/3/2022)